قوليها ....أنطقيها

قوليها انطقيها

ليه قلبك مخبيها

ولسانك مش عايز يبوح بيها

لكن عنيكي باين فيها

تصرفاتك بتسميها

احمرار وشك وقت ماقولتلك بحبك

وسرعه دقات قلبك

ورعشه ايديكي بين ايديا

كل ده دليل واضح عليها

ورقه كلامك

وطريقة سلامك

وحكويكي عن احلامك

وبصة عنيكي لعنيا

واعتراف صديقتك ليا

كل ده دليل واضح علي حبك ليا

ارجوكي قوليها

منتي مني سمعتيها

وبتصرفاتي حستيها

ولصحابك اعلنتيها

فانا عايز اسمعها منك

عايزك تقوليها

تنطقيها....

وكمان بصوت عالي تردديها

وللعالم كله تعلنيها

************************************************
كلمه ( أحبك ) هذه الكلمه المكونه من أربعه حروف لها تأثير قوى جدا علي انفسنا .
لها مفعول السحر .
هذه الكلمه دائما ما تقلب الموازين وتغير الاحداث
ولكننا دائما نجد صعوبه في التعبير عن ما بداخلنا تجاه الاخرين .
حتى الجرئ منها يقول كلمه ( أحبك ) بصوت خافت ومكتوم خشيه أن يسمعه الناس
هل هذه الكلمه التى تغيير دائما مجريات الامور في علاقتنا مع المحيطين بنا تدخل في قاموس العيب !!!
هل هى تنتقص من قيمتنا ؟
تجرح كرامتنا ؟
تشعرنا بالضعف عندما نقولها ؟
أم هي بيئتنا وتقاليدنا الشرقيه ؟

أدين أنفجار حى الحسين

صحيت من النوم وقبل ما أفوق وقبل ما أقوم فجئتني مراتي بخير مشئوم فردت ايدا ودعكت عنيا مستحيل!!!!
ده كلام مش موزون .

خرجت من الاوضه وفي ايديا الفوطه وجريت علي الحوض أغسل وشي ما كنت لازم أفوق.

بتقولى الانفجار فين؟
بتقولى حى الحسين!!!
ربنا يرحمنا ويحفظنا
قولى آمين .
الناس دول مجانين .... أرهابيين ....سفاحين
في شريعه مين
يقتلوا ناس ابراياء مسكين
في اي مله واى دين
يقتلوا ناس أبرياء مساكين
وهدفهم ايه ؟
مش عارفين ؟

وانا هنا
من خلال مدونتى منبرى بشجب وادين
عمل هؤلاء الخونه الملاعين
وستظل مصر دائما أمنآ لمواطنيها امانآ لكل الزائرين
كما قال ربنا في كتابه العظيم
بسم الله الرحمن الرحيم
قال تعالى: (فَلَمّا دَخَلُواْ عَلَىَ يُوسُفَ آوَىَ إِلَيْهِ أَبَوَيْهِ وَقَالَ ادْخُلُواْ مِصْرَ إِن شَآءَ اللّهُ آمِنِينَ)
[سورة: يوسف - الأية: 99]

من تكون حبيتى؟

من هى ؟

ملهمتى . أستاذتى . تلميذتى

من هى ؟

حبيبتى । محبوبتى । عشيقتى

من هي ؟

قره عينى । ثمره فؤادى । فلذه كبدى

من هى ؟

التى تلاعبنى। تلاطفى । تناجينى

من هى ؟

التى تقلق منامى । تلطخ ثيابى । تجرى ورائى

من هى ؟

التى تأخذ نقودى । تعبث بأوراقى । تحمل صفاتى

أنها

آلاء أشـــــــــــــــــرف محمود

أبنتى

الم أقل لكم أنها تحمل صفاتى

فقد ألتقطت لها تلك الصورة وهى تخط بيدها علي الارض

تحاول أن ترسم أو تكتب شئ ما

بدايه الموهبه

هو زمنا ده بقي زمن أيه ؟

(زمن شغالات)

تصدق اول ما شوفتها قولت:

بنت زي كل البنات

وشغاله زي كل الشغالات

لحد ما كان اجازتها يوم التلات

بصيت لقيت قدامي بنت زوات

لو مكونتش اعرفهاكنت افتكرتها فنانه من الفنانات

لبسها جينسات وبديهات

وفي ايديها موبيل من احدث الموبيلات

وراشه برفان من اغلي البرفنات

وما تتكلمشي بقي علي المكياج

دي كانت عامله في نفسها حجات

مصمصت شفيفي وقولت

ما هو زمنا دا خلاص

بقي زمن شغالات

وعجبى