****
في اوضه نومي فار
بجد مش هزار
حاجه كده اصغر من الكتكوت
واكبر من الصرصار
ومراتي كانت خايفه موت
دا هو حته فار
امال لو كانوا كتار
شلت مراتب السرير
شلت مراتب السرير
وعملت واد شرير
ومسكت عصايا كبيره
وبدات معركه مثيره
ومراتي
قفلت عليا الباب والشباك
وقفت بعيد في الصاله هناك
مستنيه جوزه
االفارس المغوار
خارج وفي ايديه جثه
للمرحوم الفار
والكلام ده كان باليل
مش بالنهار
وانا
وانا
يعيني عليا انا
رايح جاي
بين الكوميدينو والتسريحه
يا حسره عليا
ما كنت نايم نومه مريحه
وانا
يعيني عليا انا
رايح جاي بين السريروالدولاب
واوضه النوم
بقي شكلهاهباب
واخيرا
وبعد فر وكر
حاول من جميبا يمر
وافتكر ان في الهروب خلاصه
والعصايا كانت سبقاه
ونزلت علي راسه
والحمد لله
المعركه انتهت بسلام
وهرجع تاني انام
نومه مريحه
لكن كانت الخساره
هي تكسير مريه التسريحه
وده طبعا معجبشي المدام
وعملتلي في دماغي وش قبل ما انام
وانا رايحتهاحاضر
..اانتي تامري
هركبلها مرايه جديده
اول ما يطلع علينا النهار
وفي جوايه بستعجب
دا هو فار
اصغر من الكتكوت
واكبر من الصراصار
امال لو كانوا كتار
*************************
ليست هناك تعليقات:
إرسال تعليق