لقد تم نشر هذه القصه في جريده شباب مصرورابط القصه علي الجريده هو
دلوقتي هحكيلكم حكايه من البدايه للنهايه الحكايه ابتدت اما محمد اتقدم لآيه وامها ما صدقت وقالت ستره للبنت وحمايه وبالضغط فرضت محمدعلي آيه وآيه كانت بنت اموره لكن كانت في السن صغيوره ومكانشي ليها رأي كانت جناحتها مكسوره وكانت علي الموافقه مجبوره ووفقت ,وزي كل بنت مخطوبه فرحت والخطوبه كانت شهرين ومحمد كتب الكتاب ودعا الاقرايب والاحباب وخلص الاحتفال واتقفل عليهم الباب ....!!!!
وآيه خافت। ما هي لسه كانت متمتشي سن الخمستاشر ومتعرفشي يعني أيه جواز ومتعرفشي زوج عايز لمراته يباشر وبموقف شبيه بالاغتصاب ما بنشوفوش غير في الكلاب قضي محمد شهوته وفي ليله دخلته قفل بالمفتاح الباب وخرج يعقد علي قهوته يحكي الي حصل لصحابه وشلته.....!!!!
وآيه.....بعد ما فاقت وأخدت دش وراقت معرفتشي تفتح الباب وعرفت ان من اولها جوازه هباب وصبرت آيه وعاشت ضرب واهانات وبخل وحجات كتير منها آسيت وفات علي الجواز سنتين وربنا اداها بنوته تعشقها العين طلعه لامها هتطلع لمين وسمع محمد الخبر وبان الغضب علي وشه وظهر كان عايز ولد.....!!!!
ويعيني عليها آيه ضرب واهانه واتحملت وسنتين كمان وربنا رزقها ببنت تانيه.....!!!
وثار محمد وغضب وهددهها لو مجبتيش الولد هتجوز واحده تانيه وكأن آيه هي المتهمه وهي الجانيه....!!!!
وحملت آيه॥وعملت اشعه قالولها في بطنك اتنين قالت ولدين ولا بنتين ردوا وقالوا والله مش ظاهرين ومش واضح علي الاسكرين سكت الدكتور شويه وقال بنتين اه هوما بنتين।....!!!!َ
وآيه سمعت الكلام واغم عليها ومحستش بالدنيا والي فيها ما هي عارفه الي هيجري ليها وفاقت॥وسمع الدكتور حكايتها من بدايتها لنهايتها وقال جوزك عايز ولد طيب ما يخلق هو الولد استغفر الله॥ ويما فيكي ناس جاهله يا بلد ....!!!!
ولعب الشيطان في دماغ آيه وطلبت من الدكتور ينزلهم قال استغفر الله دي جنايه دا روحين ولا يمكن اقتلهم....!!!!
ما سمعتشي الكلام آيه وصممت تنزلهم وراحت لواحده دايا وقالت بنتين خلصيني منهم ونزلتهم لكن المفجاه كانوا اه اتنين لكن مكنوش بنتين كانوا ولدين.....!!!!
اه ولدين وأطلقت آيه وخسرت البنتين وقتلت مع الدايا الولدين وسمعت للشيطان اللعين وعاشت بقيت حياتها بكي والدمع بقي دم علي الخدين هيرجع ايه الندم وبآيه هيفيد بكاكي يا عين
روميو حكاية مؤثرة ومؤلمة فعلا لكن مغزاها جيد
ردحذفاولاً انا اتشرفت بزيارة مدونتك بجد دمها خفيف اوى
ردحذفثانيا الحكايه قويه اوى وجميله وحزينه وبتحصل كتير فى مجتمعنا منتهى الجهل والظلم للبنات سواء للام اللى هى ايه فى قصتك او لبناتها اللى باباهم مش عايزهم وعايز الولد
اتمنى ان مجتمعنا يتغير ويفهم ان البنت لازم تاخد كل حقوقها وانها مش هقول زى الولد لكن بردو مش اقل منه فى حاجه
اشكرك ياروميو على قصتك الجميله وان شاء الله مش هتبقى اخر مره ازور مدونتك لانها عاجبتنى اوى
فى انتظار كل جديدك
نور
naglaa elgafary
ردحذفأولا يا نجلاء ان بشكرك علي متابعتك المستمره لمدونتى وده شئ اكيد بيسعدنى
ثانيا امافكرت أكتب القصه ديه كان في فكري مجموعه من السلبيات اللي احنا للاسف مغمضين عنينا عليها أو بنتكلم فيها كموضوعات ثانويه
ومنها الزواج التقليدي(زواج الصالونات)
وضغط الاهل علي البنت أنها توافق علي اللي متقدملها وزواج البنت في سن صغيره مما يترتب عليه عدم تحمل المسؤليه وجهل المجتمع في موضوع التفرقه بين الولد والبنت وموضوع الاجهاض ان كان عند دكتور (منزوع الضمير ) او الدايااللي انا كنت تصورت أنها أنقرضت .
للاسف سلبيات كتير لسه منغمسين فيها كمجتمع مصري
وربنا يرحمنا برحمته الواسعه
العاشقه
ردحذفاولا الشرف ليا انا يا نور مرسيه علي الاشاده بالمدونه ده بس من زوقك
ثانيازي ما بينت في ردي علي نجلاء أن مجتمعنا يا نور لسه كتير من السلبيات مسيطره عليه ومنها الزواج التقليدي اللي أنا بعتبره كارثه لان للاسف معظم حالات الطلاق ان لم تكن كلها بسبب زواج الصالونات ده حتى لو كتب للزواج الاستمرار بيكون مصدر للتعاسه بين الزوجين وده بينعكس علي الاطفال
فيما بعد .
والمجتمع مش هيتغير طالما البنت بتتنازل عن حقوقهالازم فكر البنت نفسه يتغير .
عموما ده موضوع شائك وعايز كتب تتكتب فيه
أشكرك علي المرور وشئ يسعدنى انك تكونى متابعه دايما مدونتى وان شاء الله أكون عند حسن الظن بيا
لكى منى كل الاحترام
المشكلة ان المجتمع المصري اللي احنا عايشين فية لا يغير عاداتة ولا تقاليدة
ردحذفولا حد بيفكر فيهاهية صح ولا غلط
او هي متماشية مع ديننا ولا لا
دايما التغير بيكون سئ
او اكثر سوءا هذة الايام
المشكلة ان المجتمع المصري اللي احنا عايشين فية لا يغير عاداتة ولا تقاليدة
ردحذفولا حد بيفكر فيهاهية صح ولا غلط
او هي متماشية مع ديننا ولا لا
دايما التغير بيكون سئ
او اكثر سوءا هذة الايام
عزيزتى نجلاء أى نعم ان التغيير في مجتمع شرقي مثل المجتمع الذى نعيش فيه غايه في الصعوبه
ولكن هناك أمل فينا نحن الشباب
فلنعلن حاله تمرد على تلك القوانين التى لم تعد تناسب جيلنا
لابد لنا من وقفه
نعلن فيها العصيان
نرفض توارث تلك المعتقدات الباطله
التغيير سيكون صعبا في البدايه
ولكن ستتغير كل الامور مع أصرارنا علي التغيير
أسعدنى مرورك وتعليقك العقلانى
ومتابعتك المستمره للمدونه تثلج صدري
اسلوبك في ااستعال اسلوب ساخر وخفيف في نفس الوقت
ردحذفيجعل لمتابعه القصه شغف اكثر
ويجبر القاري عليها
جميل ما كتبت
واثارتك لاكثر من قضيه في سطور بسيطه ما يجعل في اسطرك عمق اكثر
قضيه الزواج المبكر
قضيه الزواج بالاكراه
قضيه الجهل في المعاشرات الزوجيه
قضيه عايز ولد والا ....
بصراحه
بوست هايل جدا
مودتي
وتقبل مروري الاول
الاجمل هو ردك يا donya
ردحذفوكما ذكرتى مع أن قصتى قصيره ولكنها أثارت مشكلات عده بطريقه سهله ومختصره .
أتمنى أن أكون وفقت في توصيل الرساله لكل من قرء القصه .
وسعدت حقا بمرورك علي مدونتى وأسعدنى كثيرا ردك الذي قمتى فيه بتقييم شامل للقصه .
وأتمنى ان لا يكون المرور الاخير
ودومتى بخبر ياdonya