في البدايه أنا لي الشرف أن أقول ان هذه القصيده تم نشرها لي في مجله العرب
ومجله العرب هذه هي أكبر وأشهر مجله اليكترونيه مصريه علي شبكه الانترنت ويكتب فيها كبار الكتاب المعروفين
وهذا هو رابط القصيده علي موقع المجله
دلوقتي فيه مشكله
المشكله مش مشكلتي انا
المشكله دي تخصنا
تخص مصربلدنا كلنا
المشكله قبلتني
واكيد قبلتك
وجهتني
واكيد وجهتك
وكان قبلنا
وجهت عمك وعمتك
وانت عشان انت مصري
عشان مصريتك
بترضي لاجل ما تكمل سكتك
لاجل الحاجه ما تتقضي
غصب عنك بتغير زمتك
المشكله بقت مشكله نفوس
نفوس وياها سلطه
نفوس عايزه فلوس
وعشان توصلها عايزلك وسطه
والواسطه عايزه اسطي
يظبطلك الزبطه
ويعملك الخطه
ولازم يا حرام تستحمل
غدا وعشا
يعني حبه وز وفراخ
وحمام وكده كام بطه
وهدايا وحجات كده تتحط في الشنطه
واوراق تتفرك اونطه في اونطه
ارحمونا بقي يالي فوق
وخلوا عندكوا حبه زوق
راح فين ضميرك يا مصري
متقولشي انا عايز ابني قصري
قول دم اجدادي جوايا بيسري
خلي انتمائك فوق اهتمامك
خلي ضميرك دايما قدامك
واخدم بدون مقابل
دا انت بتخدم اهلك وناسك وجيرانك
وافتخر وقول انا مصري
وبشرب من ميه النيل
وعمري ما هبني قصري
علي حساب خراب جيل
وعمري عن الحق ما هميل
ساعتها بس مهتكونشي فيه مشاكل
وهتتغير كل المسائل
ومش هيكون في بلدنا
شحات او سائل
وهتكون انت الاساس
وقدوه حسنه لكل الناس
فوق بقي يا مصري
عايزين بلدنا
هاى روميو ازيك القصيده دى عجبانى بس للاسف الناس اللى بتتكلم عليهم اللى عاملين لنا المشكله عمرهم ماهيحسوا ولا هيخلوا عندهم دم وهتفضل المشكله كده زى ماهى لان اللى بيقل بأصله مره وهو مقتنع باللى بيعمله عمره ماهيحس بالناس ولا بمشاكلهم ومصلحتهم هما بتكون فوق اى اعتبارات تانيه
ردحذفومشكووووور على الكلمات الجميله ولك فائق احترامى
هااااي انا بفضل الله بخير
ردحذفوانا في منتهي السعاده لان القصيده نالت الاعجاب
وانا مش هقول اي تعليق بعد التعليق الوافي ده
ولكي مني كل الاحترام والتقدير