حسيت بألم في السنان
سألت عن دكتور كويس
قالوليي عايز دكتور تمام
روح للدكتور فلان
؟
وأخدت منهم العنوان
فوجئت بعياده مفهاش ولا عيان
؟
وانا
متررد خطوه لورا وخطوه لقدام
وفي وسط زهولي............
ندهتلي ممرضه شكلها تعبان
شكلها كده مركبه طقم اسنان
وقالت اامر حضرتك
كشف بس ولا كشف و....
قاطعتها انا وقولت
وهوالكشف بكام
؟
ودفعت الكشف وانتظرت دوري
مع ان مفيش حد غيري
وبعد انتظار كتير
سالتهاهو الدكتور نام
؟
قالت لا هوبس في الحمام
قالتها وهي بتبتسم ابتسامه عريضه
استعجبت وتاكدت ان الممرضه
اكيد مريضه
واخيرا
بعد ملل وتوتر
خرج الدكتور المبجل
وبضحكه صفره الممرضه قالت
اتفضل
واتفضلت
ولغرفه العمليات دخلت
شميت ريحه غريبه ماليه المكان
وفي وسط زهولي لقيت انسان
جثه كده وتخين..
عضلات قوي ومتين
شكله يغني عنه
وبوقه مليان لبان
وانا
زاد التوتر عندي وبان
ووشي قلب الوان
قالي خايف :
قولتله خلصني انا تعبان
وتمددت علي السرير
وقولتله خليك حنين عليا
قالي دا انا ايدي تتلف في حرير
ومسك في ايده عدته
واشتغل
والله جزار في صنعته
وتأوهت بصوت عالي
مصر كلها سمعته
وقلع الضرس
وقال خلاص
وانا قلت امتي الخلاص
وخرجت
واتعلمت الدرس
اموت من الالم
ومقلعشي ضرس
**************
ههههههههههههههه
ردحذفصدقت وربي
خلع الاسنان فظيييييييع و يموت من الرعب
انا لما اروح مش بروح الا لدكتور معرفة
بفحص عنده من وانا صغيرة ومش بثق الا فيه
ومع ذلك ببقى هموت من الخوف
بوست جميل اوووي
تسلم ايدك
والله يا نواره الكلام ده فعلا حصل
ردحذفوانا دايما بكتب او معظم كتاباتى بتكون تأريخ لحياتى .
وحكايه قلع الاسنان دي حكايه صعبه قوي بالنسبه ليا وخصوصا بعد قلع الضرس عند الجزار قصدي الدكتور ده .
وفعلا لازم الواحد منا يدقق قوى في الجزار يوووووه قصدي الدكتور اللي هيروح يكشف عنده
مرسيه علي المرور والتعليق يا نواره واتمنى ان تكون المدونه بالكامل عجبتك مش البوست ده بس
ودائما كونى بالجوار .
وتقبلى منى كل أحترامى